"ანტი ნაცის "- ორგანიზებით, პარლამენტის ყოფილ შენობასთან მცირერიცხოვანი აქცია მიმდინარეობს. მომიტინგეები პოლიტ-პატიმრების რესოციალიზაციასა და რეაბილიტაციას მოითხოვენ, მათ მოთხოვნებში ადამიანის უფლებათა კომიტეტის მუშაობის გაგრძელებაც შედის. მომიტინგეები ასევე დაყადაღებული ქონების დაბრუნებასაც ითხოვენ. აქციის ერთ-ერთი ორგანიზატორის ნუგზარ წიკლაურის თქმით , კიდევ ერთი მთავარი მოთხოვნა იმ პროკურორების დასჯაა, რომელთაც ეს გადაწყვეტილება მიიღეს.
აქციის მონაწილეებს სახალხო დამცველი და ადამიანის უფლებათა კომიტეტის თავმჯდომარე ეკა ბესელია შეხვდნენ. ისინი მომიტინგეებს დაპირდნენ საკანონმდებლო დონეზე სპეციალური დადგენილების შემუშავებას, რომლის მიხედვითაც მათი უფლებები იქნება დაცული. აქცია სადღეღამისოა, მომიტინგეები დაშლას არ აპირებენ სანამ მათი მოთხოვნები არ იქნება დაკმაყოფილებული.
პარლამენტის ყოფილ შენობასთან აქცია უკვე მე-14 დღეა მიმდინარეობს.