პოლიტოლოგი რამაზ საყვარელიძე ,,ნაციონალების" მხრიდან ევრომაიდნის სცენარის განმეორებას არ გამორიცხავს. როგორც ,,ჯი-ეიჩ-ენთან" საუბარში საყვარელიძემ შს მინისტრის ალექსანდრე ჭიკაიძის განცხადების საპასუხოდ განაცხადა საქართველოში თუ ევრომეიდნის პროცესები განვითარდება, ეს თავად ,,ნაციონალური მოძრაობისთვის" იქნება დამღუპველი.
,, რომ გითხრათ ,,ნაციონალური მოძრაობისგან" ასეთი იდეა გამორიცხულია მართალი არ ვიქნები. ,,ნაციონალები" იმდენ შეცდომებს უშვებენ გამოწვევისა და აგრესიული ნაბიჯების თვალსაზრისით, რომ მორიგი გამომწვევი ნაბიჯი გადადგმა მათი მხრიდან გასაკვირი არ იქნება. მითუმეტეს, მიხეილ სააკაშვილმა განცხადა, რომ მაიდანი თბილისში მოსალოდნელიაო. ასე რომ, ,,ნაციონალური მოძრაობის" შტაბში ასეთი იდეის გაჩენა გამორიცხული არ არის, მაგრამ შედეგი როგორი იქნება ეს სხვა საკითხია. ,,ნაციონალები" ასეთ იდაზე ფრთხილად უნდა იყვნენ რადგან თუ მათ ომი გააღვიძეს, ამ ომმა შეიძლება ნაციონალები შეწამონ", _განაცხადა ,,ჯი-ეიჩ-ენთან" საუბარში საყვარელიძემ.
შეგახსენებთ, რომ საქართველოს შინაგან საქმეთა მინისტრი ალექსანდრე ჭიკაიძე „პრაიმ ტაიმთან" ინტერვიუში აცხადებს, რომ "ნაციონალური მოძრაობა" ევრომაიდნის სცენარს ამუშავებს და არსებობს ინფორმაციები, რომ ამ მიზნით უკვე დაწყებულია საბურავების მომარაგება.
