საგარეო საქმეთა მინისტრის მოადგილის დავით ჯალაღანიას განცხადებით, ქვეყანაში წესრიგი და სტაბილურობა შესაბამისი სტრუქტურების ამოცანა და მოვალეობაა. როგორც ჯალაღანიამ შს მინისიტრის ალექსანდრე ჭიკაიძის განცხადების საპასუხოდ განაცხადა საგარეო უწყება ქვეყანაში ევრომეიდნის შესაძლო სცენარის განმეორების შესახებ ინფორმაციას არ ფლობს.
"ამ საკითხზე კომენტარისგან თავს შევიკავებ, იმიტომ, რომ საგარეო საქმეთა სამინისტროს ამგვარი ინფორმაცია არ გააჩნია. რა თქმა უნდა, ქვეყანაში წესრიგი და სტაბილურობა შესაბამისი სტრუქტურების ამოცანა და მოვალეობაა. ალბათ, მას ჰქონდა საფუძველი ამდაგვარი ვარაუდის გამოთქმის", - განაცხადა ჯალაღანიამ ორშაბათის ტრადიციულ ბრიფინგზე.
შეგახსენებთ, რომ საქართველოს შინაგან საქმეთა მინისტრი „პრაიმ ტაიმთან" ინტერვიუში აცხადებს, რომ "ნაციონალური მოძრაობა" ევრომაიდნის სცენარს ამუშავებს და არსებობს ინფორმაციები, რომ ამ მიზნით უკვე დაწყებულია საბურავების მომარაგება.
