,,ნაცმოძრაობა" შს მინისტრის ალექსანდრე ჭიკაიძის განცხადებას ეხმიანება. როგორც საკითხის კომენტირებისას პარტიის ოფისში გამართულ პრესკონფერენციაზე ზურაბ ჯაფარიძემ განაცხადა შს მინისტრის განცხადება აბსურდულია და მას რეალობასთან კავშირი არ აქვს.
,,როგორც მინიმუმ შს მინისტრი უნდა შეამოწმონ ხომ არ მოიხმარს მსუბუქ ნარკოტიკებს ასეთ განცხადებებს რომ აკეთებს. ეს არის ხელისუფლების იაფფასიანი მცდელობა გადაფარონ ის პრობლემები რომელიც დაგროვდა უკანასკნელ პერიოდში. რატომღაც ჰაკიმ-ფაშამ გადაწყვიტა, რომ ჭიკაიძისთვის დაევალებინა ასეთი განცხადება გაეკეთებინა. ცხადია, ეს არის აბსურდი, სისულელე. ,,ნაციონალურ მოძრაობა" მაიდნისთვის მზადება არ სჭირდება. მეტიც ,,ნაციონალურ მოძრაობაში" დარწმუნებულები არიან, რომ ამ ხელისუფლების შეცვლას მაიდანი და ასეთი რაღაცეები არ სჭირდება", _განაცხადა ,,ნაცმოძრაობის" წევრმა ზურაბ ჯაფარიძემ.
შეგახსენებთ, რომ საქართველოს შინაგან საქმეთა მინისტრი „პრაიმ ტაიმთან" ინტერვიუში აცხადებს, რომ "ნაციონალური მოძრაობა" ევრომაიდნის სცენარს ამუშავებს და არსებობს ინფორმაციები, რომ ამ მიზნით უკვე დაწყებულია საბურავების მომარაგება.
