გაზეთ „პრაიმტაიმთან" ექსკლუზიურ ინტერვიუში შესაძლო დესტაბილიზაციაზე საუბრობს. შს მინისტრმა შესაძლო დესტაბლიზაციის აღკვეთის გზებზეც ისაუბრა. მისი განმარტებით, დღეს არ არის ის უწყება, რომელიც, სურვილებისა და იდეების გამო, დავიყებს დაჭერებს.
"მათ აქვთ საკუთარი ნების თავისუფლად გამოხატვის შესაძლებლობა, მაგრამ ჯგუფები, რომლებიც შეეცდებიან ქვეყანაში დესტაბილიზაციის მოხდენას, ხალხისა და ოპონენტების ცემას, რათა ეს ყველაფერი მერე სახელმწიფოს დააბრალონ, უმკაცრესად დაისჯებიან! ჩვენ მაქსიმალურად შევეცდებით, არ დავუშვათ ქვეყანაში დესტაბილიზაცია და აღვკვეთოთ ყოველგვარი მსგავსი ქმედება. მათ, პირველ რიგში, საზოგადოება უპასუხებთ და გაცილებით მკაცრად. საქართველოში უკანასკნელი წლების განმავლობაში საკმაოდ ბევრი სისხლი დაიღვარა. ეს ხალხს აღარ სჭირდება, ხალხს სჭირდება სიმშვიდე და ნორმალური განვითარება", - აცხადებს "პრაიმტიმთან" ინტერვიუში ალექსანდრე ჭიკაიძე.
შს მინისტრი აღნიშნავს, რომ ამ ყველაფრის მიზანი არის დესტაბილიზაცია და სახელმწიფო ინსტიტუტების დამხობა.
"შეეცდებიან, ევროპელ პოლიტიკოსებს ცრუ ინფორმაციები მიაწოდონ და ამით გარკვეული წრეების მხარდაჭერა მოიპოვონ. მიზანი შეიძლება იყოს სახელმწიფო ინსტიტუტების დამხობა, ხელისუფლების შეცვლა და ა.შ. არის ინფორმაცია, რომ შესაძლოა, ეს სცენარი თვითმმართველობის არჩევნების შემდეგ აამუშაონ, თუმცა არც ისაა გამორიცხული, გარკვეული ნიადაგი მანამდეც მოსინჯონ", - ამბობს ჭიკაიძე.
