"ჩვენ გვჯერა, რომ დრო მოვიდა საქართველოს ნატო-ში ინტეგრაციის პროცესმა წინ წაიწიოს. მიგვაჩნია, რომ 2014 წლის ნატო-ს სამიტი წარმოადგენს შესაძლებლობას, ქვეყნის მიერ მიღწეული პროგრესი აისახოს შემდგომ კონკრეტულ ნაბიჯში, რაც გულისხმობს საქართველოსთვის გაწევრიანების ცხადი ინსტრუმენტის უზრუნველყოფას. ახალ ეტაპზე გადასვლით ჩვენ მზად ვართ ნაბიჯ-ნაბიჯ, ეტაპობრივად გავაგრძელოთ ყოვლისმომცველი რეფორმები" - აღნიშნა მაია ფანჯიკიძემ ვილნიუსში მიმდინარე კონფერენციაზე.
მინისტრის თქმით, ნატო-ს ღია კარის პოლიტიკა წარმატების მომტანია როგორც ალიანსის ახალი წევრებისთვის, ისე თავად ალიანსისთვის. მისი თქმით, საქართველომ ბოლო პერიოდის განმავლობაში, განსაკუთრებით კი, წელიწადნახევრის განმავლობაში მიაღწია მნიშვნელოვან პროგრესს როგორც დემოკრატიული რეფორმების გატარების კუთხით, ისე გლობალური უსაფრთხოების უზრუნველყოფის მიმართულებით.
საქართველოს ISAF-ის ოპერაციაში 1600 ქართველი სამხედრო მოსამსახურე ჰყავს და ამ მონაცემებით ყველაზე დიდი კონტრიბუტორია ნატო-ს არაწევრ ქვეყნებს შორის. ჩვენ შემდგომშიც მზად ვართ წვლილი შევიტანოთ ავღანეთში ინსტიტუციების შენების პროცესში და გავუზიაროთ ჩვენი გამოცდილება. ჩვენ ასევე მზად ვართ ნატო-ს სწრაფი რეაგირების ძალებში მონაწილეობისთვის" - აღნიშნა მაია ფანჯიკიძემ.