საქართველოს საგარეო საქმეთა მინისტრმა ლიტვაში, ქ. შუალეაში არსებული ნატო-ს სწრაფი რეაგირების სამხედრო ბაზა მოინახულა. მაია ფანჯიკიძე ნატო-ს წევრი და ასპირანტი ქვეყნების თავდაცვისა და საგარეო საქმეთა მინისტრებთან ერთად ბალტიისპირეთის ქვეყნებში ჩრდილოატლანტიკური ალიანსის ერთ-ერთი მთავარი სამხედრო-საჰაერო ბაზის საქმიანობას გაეცნო. ბაზას ნატო-ს ახალი სამხედრი საფრენი აპარატები შეემატა. სტუმრებისთვის საჩვენებელი ფრენა მოეწყო. ალიანსის სამხედრო ბაზაზე მინისტრებს ლატვიის თავდაცვის მინისტრმა იუასეს ოლეკასმა უმასპინძლა.
ვილნიუსში ნატოს გაფართოების 10 წლისთავთან დაკავშირებით საერთაშორისო კონფერენცია "ნატო-ს ათი წელი 'ბიგ-ბენგიდან" მიმდინარეობს, მასში ნატოს წევრი და ასპირანტი ქვეყნების საგარეო და თავდაცვის მინისტრები მონაწილეობენ. კონფერენციაზე ნატოს გაფართოების პესრექტივებზე, რეგიონალური უსაფრთხოების საკითხებზე, ევროპასა და მის საზღვრებთან სტაბილურობის შენარჩუნების საკითხებზე მსჯელობენ.
