დღეს, 3 აპრილს პოლონეთში ვიზიტის ფარგლებში საქართველოს პრეზიდენტი გიორგი მარგველაშვილი კრაკოვში გაემგზავრება, სადაც ვიზიტის ფარგლებში დაგეგმილ ღონისძიებებს დაესწრება.
შეგახსენებთ, რომ ვიზიტის ფარგლებში პრეზიდენტმა შეხვედრა გამართა პოლონელ კოლეგასთან. ასევე ბრონისლავ კომაროვსკიმ და ანა კომაროვსკამ გიორგი მარგველაშვილის და მაკა ჩიჩუას პატივსაცემოდ სადილი გამართეს.
ვიზიტის ფარგლებში ასევე გაიმართა შეხვედრა პოლონეთის პრემიერ-მინისტრთან დონალდ ტუსკთან.
პრეზიდენტთან ერთად ქართული დელეგაციის შემადგენლობაში არიან ეროვნული უშიშროების საბჭოს მდივანი ირინე იმერლიშვილი, საპარლამენტო უმრავლესობის წევრები ზურაბ აბაშიძე და ზვიად კვაჭანტირაძე, პრეზიდენტის მრჩეველი საგარეო პოლიტიკის საკითხებში ივანე მაჭავარიანი და პრეზიდენტის ადმინისტრაციის უფროსი ლაშა აბაშიძე.
მარგველაშვილი საქართველოში დღეს დაბრუნდება.
