დარგობრივი ეკონომიკისა და ეკონომიკური პოლიტიკის კომიტეტის სხდომაზე საქართველოს კანონის პროექტი "პროდუქტის უსაფრთხოებისა და თავისუფალი მიმოქცევის კოდექში ცვლილების შეტანის თაობაზე" საბოლოო მესამე მოსმენით განიხილეს.
კანონპროექტი მისმა ინიციატორმა და ავტორმა, პარლამენტის წევრმა თამაზ ავდალიანმა წარადგინა. როგორც სხდომაზე აღინიშნა, კანონპროექტთან დაკავშირებით რედაქციული შენიშვნები არ გამოთქმულა და კანონმდებლებმა იგი მოიწონეს.
საქართველოს მთავრობას წარმოდგენილი კანონპროექტის მიხედვით, პროდუქტის უსაფრთხოებისა და თავისუფალი მიმოქცევის კოდექსში შეტანილი ცვლილება საქართველოს V კლასის შენობა-ნაგებობაზე კოდექსის 44-ე და 45-ე მუხლის პირველი ნაწილით გათვალისწინებული სამართალდარღვევისას, თუ გადახდილია შესაბამისი სამშენებლო სამართალდარღვევისათვის დაკისრებული ჯარიმა, შეუძლია მიიღოს გადაწყვეტილება პირის გათავისუფლების შესახებ 26-ე მუხლის მე-4 ნაწილით გათვალისწინებული წესით დაკისრებული ჯარიმებისაგან.
აღნიშნულის მიხედვით, როგორც მოქმედი კანონმდებლობა ითვალისწინებს, ჯარიმის დაკისრების სამართლებრივი საფუძვლების აღმოუფხვრელობის შემთხვევაში, მისი დაკისრებიდან ყოველი 3 თვის შემდეგ, პირი შეიძლება დაჯარიმებულიყო დაკისრებული ჯარიმით გათვალისწინებული საჯარიმო თანხის სამმაგი ოდენობის თანხით, რომელიც დამრღვევს შეიძლება დაკისრებოდა არა უმეტეს სამჯერ.
კომიტეტის წევრებმა კანონპროექტის პარლამენტის პლენარულ სხდომაზე მესამე მოსმენით განსახილველად გატანას მხარი ერთხმად დაუჭირეს.
