ლატვიის სეიმის თავმჯდომარის სოლვიტა აბოლტინას განცხადებით, საქართველო ნატოს წევრობის კანდიდატია. ამის შესახებ, ლატვიის სეიმის თავმჯდომარემ ჟურნალისტებთან აშშ-ის პრეზიდენტის ბარაკ ობამას განცხადების საპასუხოდ განაცხადა.
"დარწმუნებული ვარ, რომ ნატო-ს კარის პოლიტიკა ძალაში რჩება. რაც შეეხება აშშ-ის პრეზიდენტის მიერ გაკეთებულ განცხადებას, ის შემდგომში იყო კორექტირებული. ნატო განიხილავს საქართველოს, როგორც კანდიდატ ქვეყანას. ეს ბევრჯერ დაფიქსირდა ნატო-ს განცხადებებში. ხვალ, როცა ნატოში საგარეო უწყების ხელმძღვანელი პირები ერთმანეთს შეხვდებიან, განხილული იქნება უსაფრთხოებასთან დაკავშირებული საკითხები. მათ შორის, საქართველოს, უკრაინის უსაფრთხოებასთან დაკავშირებული სხვა საკითხები", - განაცხადა სოლვიტა აბოლტინამ.
