საქართველოს პრეზიდენტი გიორგი მარგველაშვილი კვლავ აცხადებს, რომ იგი მისი და ყოფილი პრემიერ მინისტრის ბიძინა ივანიშვილის ურთიერთიერთობის გარკვევას მედიასთან არ აპირებს.
როგორც „რუსთავი 2"-ის გადაცემა რეაქციაში მარგველაშვილმა აღნიშნა, ივანიშვილის მიერ მისი მისამართით გამოთქმული შენიშვნების შემდეგ მას ექსპრემიერთან კომინიკაცია არ ქონია და "არაფერი შეცვლილა" - დღესაც იგივე ურთიერთობაა, რაც "მანამდე იყო".
"ჩემი და ბიძინას ურთიერთობის დეტალების გარკვევას მე მედიასთან არ ვაპირებ, არა იმიტომ, რომ რაიმეს დამალვას ვცდილობ, არამედ უფრო სწორად მიმაჩნია, რომ ორ ადამიანს შორის ურთიერთობა დარჩეს ორ ადამიანს შორის ურთიერთობად. ბიძინას კრიტიკის მიმართ განსაკუთრებით მგრძნობიარე ვარ, გამომდინარე იქიდან, რომ ბიძინა მართლაც განსაკუთრებული ადამიანია თავისი ბიოგრაფიით, საქველმოქმედო საქმიანობით, იმით, რაც გააკეთა პოლიტიკაში - რომ ჩვენ შევძელით ხელისუფლების მშვიდობიანი ცვლა. აქედან გამომდინარე, მისი კრიტიკა ჩემთვის უაღრესად მნიშვნელოვანია. ამის მიუხედავად, პოლიტიკის თვალსაზრისით ვრჩებით თანამოაზრეებად. რა თქმა უნდა, ის ღირებულებები, რა ღირებულებითაც "ქართული ოცნება" მოვიდა ხელისუფლებაში, არის ის, რასაც მე ბოლომდე ვიზიარებ", - აღნიშნა პრეზიდენტმა.
