ევროკავშირთან ასოცირების ხელშეკრულებას საქართველოს მხრიდან ხელს პრემიერ-მინისტრი მოაწერს. ამის შესახებ ჟურნალისტებთან სახელმწიფო მინისტრმა ევროინტეგრაციის საკითხებში ალექსი პეტრიაშვილმა განაცხადა.
"საქართველოს პრემიერ-მინისტრი არის საქართველოს აღმასრულებელი ხელისუფლების მეთაური, მთავრობის ხელმძღვანელი. საქართველოს მთავრობა აწარმოებდა მოლაპარაკებებს და მიაღწია შედეგებს ასოცირების შეთანხმებისა და თავისუფალი ვაჭრობის შეთანხმების შესახებ. საქართველოს მთავრობის ხელმძღვანელი ევროკავშირის წევრი ქვეყნების მთავრობის მეთაურებთან ერთად ასოცირების ხელშეკრულებას ხელს მოაწერს, ისევე როგორც ევროკავშირის ხელმძღვანელი პირები", - განაცხადა პეტრიაშვილმა.
