სტრასბურგში ევროპის საბჭოს ადგილობრივი და რეგიონალურ ხელისუფლებათა კონგრესი იმართება, სადაც სხვა მნიშვნელოვან საკითხებთან ერთად უკრაინაში არსებულ ვითარებას განიხილავენ.
კონგრესს ქართული დელეგაციაც ესწრება, რომელსაც თბილისის უფლებამოსილებაშეჩერებული მერი გიგი უგულავა ხელმძღვანელობს.
მიმდინარე სესიის ფარგლებში გიგი უგულავამ რამდენიმე მნიშვნელოვანი შეხვედრა გამართა და კონგრესის სახალხო პარტიის ჯგუფის შეხვედრაზე სიტყვითაც გამოვიდა, სადაც საქართველოში არსებულ პოლიტიკურ მდგომარეობაზე ისაუბრა.
სახალხო პარტიის შეხვედრაზე, უკრაინის საკითხი განიხილებოდა, გიგი უგულავამ მხარი დაუჭირა დეკლარაციის ტექსტს,რომელიც უკრაინის მხარდასაჭერად მომზადდა.
თბილისის ყოფილი მერი ევროპის საბჭოს კონგრესის პრეზიდენტს ჰერვიგ ვან სტაასს და კონგრესის გენერალურ მდივანს ანდრეას კიფერს შეხვდა.
