საქართველოს პარლამენტის თავმჯდომარე დავით უსუფაშვილი ბრიუსელში, გაფართოებისა და ევროპული სამეზობლო პოლიტიკის საკითხებში ევროკომისარს, შტეფან ფულეს შეხვდა.
მხარეებმა განიხილეს საქართველოსა და ევროკავშირს შორის ურთიერთობების დღის წესრიგში არსებული საკითხების ფართო სპექტრი. შეხვედრაზე საუბარი შეეხო ასევე ევროკომისიის პრეზიდენტის, ხოსე მანუელ ბაროზოს მიერ გავრცელებულ ინფორმაციას იმის თაობაზე, რომ საქართველო ევროკავშირთან ასოცირების ხელშეკრულებას აგვისტოს ნაცვლად ხელს მოაწერს არა უგვიანეს ივნისისა.
დავით უსუფაშვილმა და შტეფან ფულემ აგრეთვე ისაუბრეს საქართველოში მიმდინარე მოვლენებზე და ევროკავშირის მონიტორინგის მისიის მნიშვნელობაზე საქართველოს უსაფრთხოებისთვის.
