უკრაინის სამხედრო-საზღვაო შეიარაღებული ძალების სარდალი კონტრ-ადმირალი სერგეი გაიდუკი ყირიმში შესაძლო პროვოკაციებზე საუბრობს, რომლებიც შესაძლოა ექსტერმისტებმა და უკანონო შეიარაღებულმა ფორმირებებმა განახორციელონ. ამის შესახებ მან ყირიმისა და სევასტოპოლის მცხოვრებლებისადმი სიტყვით მიმართვისას ისაუბრა.
„მაქვს ინფომრმაცია შესაძლო პროვოკაციების შესახებ. განსაკუთრებულ საფრთხეს ექსტრემისტული და უკონტროლო ფორმირებები წარმოადგენენ. სხვა და სხვა ლოზუნგების საფარქვეშ მათ სურთ დაეუფლონ იარაღს და ყირიმში უკანონობა და უუფლებობა დათესონ",_ განაცხადა მთავარსარდალმა და ე.წ. ყირიმის თავდაცვით რაზმებს კეთილგონიერებისკენ მოუწოდა.
„ასევე მივმართავ უკრაინისა და რუსეთის სამხედროებს და მათ თავშეკავებისკენ მოვუწოდებ. დარწმუნებული ვარ, რომ უკრაინელმა და რუსმა სამხედროებმა ერთამნეთს არ უნდა ესროლონ",_ განაცხადა გაიდუკმა.
მასალის გამოყენების პირობები
