საქართველოს პრემიერ-მინისტრი ირაკლი ღარიბაშვილი საპარლამენტო უმრავლესობას შეხვდა.
პრემიერის პრესსამსახურის ინფორმაციით, შეხვედრაზე საუბარი შეეხო მოახლოებულ ადგილობრივი თვითმმართველობის არჩევნებს და მასთან დაკავშირებულ საკითხებს.
პრემიერ-მინისტრმა უმრავლესობის წევრებს საარჩევნო შტაბის უფროსი კახა კალაძე წარუდგინა და შტაბის სამომავლო მუშაობის შესახებ ინფორმაცია მიაწოდა.
შეხვედრაზე ქვეყანაში მიმდინარე პროცესები განიხილეს და პარლამენტში შეტანილი კანონპროექტების შესახებ იმსჯელეს. ირაკლი ღარიბაშვილმა პარლამენტის წევრებს ამერიკის შეერთებულ შტატებში ვიზიტის შედეგები გააცნო.
