ფარულ მოსმენებთან დაკავშირებით არასამთავრობო ორგანიზაციები პრეზიდენტ გიორგი მარგველაშვილს შეხვდებიან.
საუბრის მთავარი თემა საკანონმდებლო დონეზე განსახორციელებელი ცვლილებები იქნება.
დღესვე გამოქვეყნდება იმ კვლევის შედეგები, რომელიც ფარულ მოსმენებთან დაკავშირებით ჩატარდა კამპანიის "ეს შენ გეხება" ფარგლებში.
"საერთაშორისო გამჭვირვალობა - საქართველომ" კვლევა მთელი ქვეყნის მასშტაბით აწარმოა. როგორც ორგანიზაციაში აცხადებენ, მოსახლეობის დიდი ნაწილი დღემდე ფიქრობს, რომ კვლავ უსმენენ.
