ისრაელთან უვიზო რეჟიმი ამოქმედდა. ამის შესახებ, მთავრობის სხდომის დასრულების შემდეგ საგარეო საქმეთა მინისტრმა მაია ფანჯიკიძემ განაცხადა და აღნიშნა, რომ უვიზო მიმოსვლასთან დაკავშირებულ პროცედურებთან დაკავშირებით უახლოეს პერიოდში საგარეო უწყება დამატებით განცხადებას გაავრცელებს.
,,მთავრობის სხდომის მიმდინარეობისას პრემიერს დაურეკა ისრაელის შს მინისტრმა და აცნობა, რომ მათ მიიღეს პოლიტიკური გადაწყვეტილება, არ დაელოდნონ პროცედურებს და შეთანხმება ახლავე ამოქმედდეს. საქმე ეხება ჩვეულებრივ ორდინალურ პასპორტებს და 90 დღემდე ვიზის გარეშე საქართველოს ნებისმიერ მოქალაქეს შეუძლია ისრაელში განახორციელოს ვიზიტი", _განაცხადა მაია ფანჯიკიძემ.
