შერიგებისა და სამოქალაქო თანასწორობის საკითხებში სახელმწიფო მინისტრი პაატა ზაქარეიშვილი გაეროს მიერ ოკუპირებული აფხაზეთისთვის დაფინანსების გამოყოფის ეხმიანება და აცხადებს, რომ აღნიშნული საკითხით აფხაზ სეპარატისტთა ლიდერმა ალექსანდრე ანქვებმა ქულები დაიწერა.
,,20 წელია გაერო მუშაობს აფხაზეთის, როგორც საქართველოს ტერიტორიაზე. ეს არის გაეროს ოფისში საქართველოში, რომელიც მუშაობს აფხაზეთის ტერიტორიაზე და სხვადასხვა პროგრამებს ახორციელებს. გაეროს წარმომადგენლები 2014 წლის პროგრამის ფარგლებში ჩავიდნენ სოხუმში, როგორც ყოველთვის ხდება ხოლმე. ჯერ არაფერი არ შეუმუშავებიათ, ეს შესწავლითი ჩასვლა იყო, თუ რა შეიძლება განხორციელდეს 15 მილიონი დოლარის ფარგლებში. უბრალოდ ანქვაბი შეეცადა ამით ქულები ჩაეწერა და ყოჩარ ჩაიწერა, რადგან ამხელა რეაგირებაა", _ განაცხადა ზაქარეიშვილმა.
შეგახსენებთ, რომ გაეროს განვითარების პროგრამების კოორიდინატორი ნილს სკოტი აფხაზ სეპარატისტთა ლიდერს ალექსანდრე ანქვებს შეხვდა და განაცხადა, რომ გაერო აფხაზეთში პროგრამების განხორციელებისათვის 15 მილიონი აშშ დოლარის დახარჯვას აპირებს. ინფორმაციას ამის შესახებ აფხაზური მედია ავრცელებს.
მათივე ინფორმაციით, ანქვაბთან შეხვედრისას სკოტმა აღნიშნა, რომ პროგრამების დაფინანსების თანხა შესაძლოა კიდევ გაიზარდოს, იმ შემთხვევაში თუ აფხაზეთის ხელისუფლება პირადად მიმართავს გაეროს დონორ-ქვეყნებს და მათ აფხაზეთში თანხის ჩადების აუცილებლობაში დაარწმუნებს.
აფხაზ სეპარატისტთა ლიდერმა გაეროს პროგრამის კოორდინატორს შეხვედრაზე რუსეთის თანხებით აღგენილი ობიექტების გახვა ურჩია და განაცხადა, რომ მოხარული იქნება თუ გაერო ასევე რეალურ კვალს დატოვებს აფხაზეთში.
