თბილისის მერის მოვალეობის შემსრულებელმა სევდია უგრეხელიძემ დღეს, ლილოში მდებარე ასფალტის ქარხანა დაათვალიერა და შემდეგ კობარეთის ქუჩაზე მიმდინარე საგზაო სამუშაოებს გაეცნო.
ქალაქში ზამთრის შემდეგ, ძლიერი ყინვებისა და ნალექების შედეგად საკმაოდ ბევრ ადგილას წარმოიშვა გზის დაზიანებული ზედაპირის პრობლემა, გაჩნდა ორმოები. პრობლემის მოგვარების მიზნით, თბილისის მერიამ ქალაქის მასშტაბით უკვე დაასრულა ხელშეკრულებების გაფორმება იმ კომპანიებთან, რომლებმაც უნდა განახორციელონ შესაბამისი სამუშაოები.
ამჟამად ქალაქის ათივე რაიონში გზის საფარის აღმდგენითი სამუშაოები აქტიურად მიმდინარეობს და საავტომობილო გზებზე გადაადგილების პრობლემა უმოკლეს ვადაში გადაიჭრება.
მასალის გამოყენების პირობები
