პრემიერ-მინისტრის ირაკლი ღარიბაშვილის განცხადებით, რეგიონებიდან ჩამოსული სოციალურად დაუცველი სტუდენტებისთვის სტუდენტთა საცხოვრებელი აშენდება. როგორც პრემიერმა სტუდენტებთან შეხვედრისას განაცხადა სტუდენტთა საცხოვრებელი აღჭურვილი იქნება ყველა საჭირო ინვენტარით.
,,იმისათვის, რომ განათლება ყველასთვის ხელმისაწვდომი გახდეს, ჩვენ გადავწყვიტეთ, ავაშენოთ სტუდენტთა საცხოვრებელი რეგიონებიდან ჩამოსული სოციალურად დაუცველი სტუდენტებისთვის. ამაზე უკვე ვმუშაობთ. ჩვენ გვესმის, რომ ეს წლების განმავლობაში წარმოადგენდა გადაუდებელ საჭიროებას. საერთო საცხოვრებელი იქნება აღჭურვილი ყველა საჭირო ინვენტარით და შექმნილი იქნება ყველა აუცილებელი პირობა, რათა სტუდენტებს საკუთარი ნიჭის რეალიზაციის საშუალება ჰქონდეთ. არც ერთ მშობელს აღარ უნდა ეშინოდეს, რომ მის შვილს განათლების პერსპექტივა არ ექნება", _განაცხადა ღარიბაშვილმა.