ფინანსთა მინისტრი ბოლო პერიოდის მაკრო-ეკონომიკურ მაჩვენებლებს დადებითად აფასებს და მის პოზიტიურ ტენდენციაზე საუბრობს. როგორც ნოდარ ხადურმა დღეს გამართულ ბრიფინგზე განაცხადა, 2013 წლის დასაწყისში ეკონომიკური ზრდის ტემპის შენელების მიუხედავად, წინა წლის ოქტომბრიდან ტენდენცია შეიცვალა და ეკონომიკური ზრდა ოქტომბერში - 4.4%, ნოემბერში - 8.0%, ხოლო დეკემბერში - 8.8% დაფიქსირდა.
„წინასწარი შეფასებით, 2013 წელს ეკონომიკის წლიურმა ზრდამ 3.2% შეადგინა (სავარაუდოდ, დაზუსტდება და 3.5-3.6% იქნება). ბოლო კვარტლის ზრდის ტენდენცია გრძელდება მიმდინარე წლის დასაწყისიდანაც - იანვარში 7,8%-იანი ეკონომიკური ზრდის მაჩვენებელი ფიქსირდება"- განაცხადა ნოდარ ხადურმა.
