პროექტის ორგანიზატორტა განცხადებით, ახალი სასწავლო წლის დაწყებასთან ერთად საქართველოს ტექნიკური უნივერსიტეტის შესაბამისი ფაკულტეტის სტუდენტებს შესაძლებლობა ექნებათ, მონაწილეობა მიიღონ „წყალმომარაგების ინფრასტრუქტურის გაუმჯობესების" კონკურსში. ჟიურის მიერ გამოვლენილ გამარჯვებულ სტუდენტს კომპანია დაუფარავს სწავლის გადასახადს (ან გადასცემს ფულად ჯილდოს). სტიპენდია სისტემატურ ხასიათს მიიღებს და ჯილდო ყოველი სემესტრის ბოლოს სტუდენტებს გადაეცემა. გარდა ფულადი პრემიისა, სტუდენტებს საშუალება ექნებათ, პრაქტიკული ცოდნა მიიღონ „გაერთიანებული წყალმომარაგების კომპანიის" ტრენინგცეტრში, რომელიც აღჭირვილია ყველა სახის საინჟინრო საქმიანობის შესასწავლად.

სამშენებლო ფაკულტეტის წყლის რესურსების გამოყენების, დაცვისა და წყალმომარაგების მიმართულების სტუდენტები, რომლებსაც თეორიული კურსი გავლილი აქვთ, შეისწავლიან „საქართველოს გაერთიანებული წყალმომარაგების კომპანიის" მიერ დასამუშავებელ წყალსადენის სისტემებს დასახლებულ ადგილებში (დაბა, ქალაქი, სოფელი) და ერთი თვის ვადაში დაამუშავებენ სქემის დონეზე მოსახლეობის სასმელი წყლით უზრუნველყოფის საკითხებს.

საკონკურსო თემები: 1. კარსტული წყლების ღროულის გამოყენება მარტვილის რაიონის სოფლების წყალმომარაგებისთვის; 2. ქ. ლანჩხუთის წყალმომარაგებისთვის რეაბილიტაცია-რეკონსტრუქცია; 3. ქ.თელავის წყალმომარაგების წყლით უზრუნველყოფისთვის მიწისქვეშა წყლების გამოყენება ჯვარი პატიოსანის ხევიდან.

საქართველოს ტექნიკური უნივერსიტეტის წყალმომარაგების ფაკულტეტის სტუდენტებს საშუალება ექნებათ, მიიღონ პრაქტიკული ცოდნა (კომპანია უზრუნველყობს მათ ტრანსპორტირებას საპროექტო ტერიტორიაზე, აგრეთვე, მიაწოდებს ნებისმიერი ტიპის ინფორმაციას პროექტირებისთვის). რაც ყველაზე მნიშვნელოვანია, მათ გაუჩნდებათ კომპანიაში დასაქმების პერსპექტივა. მსგავსი პრეცედენტები უკვე არსებობს: შარშან კომპანიამ ამავე ფაკულტეტის 3 სტუდენტი დაასაქმა. „საქართველოს გაერთიანებული წყალმომარაგების კომპანიის" ეს ინიციატივა მნიშვნელოვანი ინიციატივაა ქვეყანაში მიმდინარე ინფრასტრუქტურის განვითარების შეუქცევადი პროცესების მხარდასაჭერად.

ახალგაზრდული შემოქმედებითი ფესტივალი „ფანARTი"

თბილისი.05.03.14."ჯი-ეიჩ-ენი". სპორტისა და ახალგაზრდობის საქმეთა სამინისტროს ბავშვთა და ახალგაზრდობის ეროვნული ცენტრი და ეროვნული მუსიკალური ცენტრი 24-31 მარტს წარმოგიდგენთ ახალგაზრდულ შემოქმედებით ფესტივალს „ფანARTი".

ფესტივალი ხელოვნების რამდენიმე დარგს აერთიანებს (საავტორო კლასიკურ ან იმპროვიზებულ კლასიკურ მუსიკას, მხატვრობას, ფოტოგრაფიას, ალტერნატიულ მუსიკასa და როკს, მულტიმედიას, ჯაზს, კინოხელოვნებას, თეატრს, მოდასა და დიზაინს, ლიტერატურას). „ფანARTი" მიზნად ისახავს ნიჭიერი ახალგაზრდების წარმოჩენასა და მათ პოპულარიზაციას ფართო აუდიტორიის წინაშე.

ფესტივალის შესახებ დაწვრილებითი ინფორმაცია შეგიძლიათ იხილოთ ბავშვთა და ახალგაზდობის ეროვნული ცენტრის facebook-ის ოფიციალურ გვერდზე. https://www.facebook.com/events/681671618542598/

დამატებითი ინფორმაციისთვის დაგვიკავშირდით: ტელ: 2 30 51 60