,,ასოცირების ხელშეკრულების გაფორმება საქართველოში ერთსქესიანთა ქორწინებას არ ითხოვს", _ამის შესახებ, ევროკომისარმა შტეფან ფულემ არასამთავრობი სექტორის წარმომადგენლებთან შეხვედრისას განაცხადა.
მისივე განმარტებით, ევროკავშირის მიზანი არ არის, რომ საქართველოს უცხო ქვეყნის ფასეულობები მოახვიოს.
"დასავლეთის სურვილი არ არის საქართველოს თავს უცხო ქვეყნის ფასეულობები მოახვიოს. საქართველოს თავისი ტრადიციები და ფასეულობები გააჩნია და ამის არავის უნდა ეშინოდეს. მაგალითად, ამბობენ, რომ ასოცირების ხელშეკრულების გაფორმება ითხოვს ერთსქესიანთა ქორწინებას და ამის თავს მოხვევას. არაფერი ხელშეკრულებაში ასეთი არ არსებობს და ამგვარი კანონის მიღების ვალდებულება საქართველოს წინაშე არ დგას", - განაცხადა ფულემ.
