დამარცხებული რუსეთი ნიშნავს გამარჯვებულ საქართველოს. ამის შესახებ განცხადება საპარლამენტო უმრავლესობის ერთ-ერთმა ლიდერმა დავით ზურაბიშვილმა "პრაიმტაიმის" პრესკლუბში დღევანდელ პრესკონფერენციაზე გააკეთა.
"დამარცხებული რუსეთი ნიშნავს გამარჯვებულ საქართველოს. გამარჯვებული რუსეთი ნიშნავს დამარცხებულ საქართველოს.იმიტომ რომ ამ დროს მადა ეზრდებათ, მადა ჭამაში მოდისო, როგორც ცნობილია. ერთს რომ შეჭამს,მეორეს მიაყოლებს.უკრაინა თუ ჩაყლაპა რუსეთმა,საქართველოს ზედ მიაყოლებს და თან ისე, რომ არც დაახველებს. ეს ძალიან მარტივი არითმეტიკაა, არ სჭირდება ამას რაღაც გათვლები", -აცხადებს დავით ზურაბიშვილი.
