საგარეო საქმეთა მინისტრის მაია ფანჯიკიძის განცხადებით, აღმოსავლეთის პარტნიორობის რეგიონში არსებული გამოწვევებისა და უკრაინაში განვითარებული მოვლენების გამო საქართველოსთვის მნიშვნელოვანია ევროპული პერსპექტივის გახსნა. მაია ფანჯიკიძემ ევროკომისარ შტეფან ფულესთან შეხვედრის შემდეგ გამართული ერთობლივ პრესკონფერენციაზე იმედი გამოთქვა, რომ ევროკავშირი თავის განცხადებებში მკაფიოდ დააფიქსირებს საქართველოს ევროპული პერსპექტივის მხარდაჭერას.
,,ჩვენთვის ევროპული პერსპექტივის გახსნა განსაკუთრებით მნიშვნელოვანი ამ ეტაპზე, აღმოსავლეთის პარტნიორობის რეგიონში არსებული გამოწვევებისა და უკრაინაში უკანასკნელ დღეებში განვითარებული მოვლენების გათვალისწინებით. იმედს გამოვთქვამ, რომ ევროკავშირი მკაფიოდ დააფიქსირებს თავის განცხადებებში საქართველოს ევროპული პერსპექტივის მხარდაჭერას", _განაცხადა ფანჯიკიძემ.
მისივე განმარტებით ევროკომისართან შეხვედრა საინტერესო და მნიშვნელოვანი იყო.
,, ევროკომისართან შეხვედრა საინტერესო იყო, რადგან საშუალება მოგვეცა განგვეხილა საქართველო-ევროკავშირს შორის დღის წესრიგში არსებული ძირითადი მიმართულებები და უახლოეს პერიოდში განსახორციელებლი ნაბიჯები. როგორც საქართველომ, ასევე ევროკავშირმა გამოხატეს მზაობა რაც შეიძლება მალე მოეწეროს ხელი ასოცირების შესახებ შეთანხმებას. ორივე მხარე ინტენსიურად ვმუშაობთ ყველა საჭირო პროცედურების დასრულების მიზნით", _განაცხადა ფანჯიკიძემ.
