პარლამენტის თავმჯდომარემ დავით უსუფაშვილმა უკრაინაში მიმდინარე პროცესები კიდევ ერთხელ შეაფასა და აღნიშნა, რომ როდესაც ტანკებია დაქოქილი, იქ განცხადებებით ფონს ვერ გავალთ.
უსუფაშვილმა საერთაშორისო საზოგადოებას უფრო მეტი აქტიურობისკენ მოუწოდა.
"როდესაც ტანკებია დაქოქილი, იქ განცხადებებით ფონს ვერ გავალთ. ამიტომ საქართველოს ხელისუფლება ყოველდღიურ და ყოველწუთიერ რეჟიმში დაკავებულია იმ პოზიციის ჩარჩოებში იმ ქმედებებს, რაც გამოხატულია პრეზიდენტის, პრემიერ-მინისტრისა და პარლამენტის თავმჯდომარის მხრიდან, და რაც შესაძლებელია და რაც სწორია. ეს არის უკრაინის ხელისუფლებასთან ურთიერთობის, ევროკავშირისა და აშშ-ის წარმომადგენლებთან ურთიერთობის კუთხით. უკრაინელი ხალხის მხარდასაჭერად ჩვენ ვახორციელებთ ყველა შესაძლო ქმედებას და ასევე, უზრუნველყოფთ ჩვენი ქვეყნის უსაფრთხოებას, რადგან ეს არ ხდება ძალიან შორს და არ ხდება ისეთი სახელმწიფოს მიერ, რომელსაც საერთო ჩვენთან არაფერი აქვს ", - აღნიშნა დავით უსუფაშვილმა.
