ყირიმის სცენარი შესაძლოა იყოს პუტინის გეგმის დასაწყისი, რომელიც უკრაინის აღმოსავლეთ რეგიონების ხელში ჩაგდებას ეხება. აცხადებს აშშ-ს პრეზიდენტოს ყოფილი მრჩეველი უსაფრთხოების საკითხებში ზბიგნევ ბზეჟინსკი „СNN"-ის ეთერში.
„ყირიმის სცენარი შესაძლოა იმის დასაწყისი იყოს რასაც პუტინი გეგმავს. უკრაინის აღმოსავლეთ რაიონებში, სადაც რუსულენოვანი უკრაინებელი ცხოვრობენ და რომელთა უმეტესობაც მოსკოვისადმი კარგად არიან განწყობილნი, შესაძლოა, მოსკოვის ინიცირებულო არეულობები დაიწყოს. მაშინ იქ რუსული ჯარი შევა",_ აცხადებს ზბიგნევ ბზეჟინსკი და მოუწოდებს დასავლურ სამყაროს გააფრთხილოს რუსეთი არ გააკეთოს ეს.
ზბიგნევ ბზეჟინსკის მოჰყავს პარალელები ახლანდელ მოვლენებსა და გერმანიის მიერ 1938 წელს ჩეხოსლოვანიის ტერიტორიის მიერთებას შორის.
„ამის შედეგი ძალიან სერიოზული უნდა იყოს, იმიტომ, რომ წინააღმდეგ შემთხვევაში რამდენიმე წლის შემდეგ ჩვენ ვინანებთ, რომ არაფერი გავაკეთეთ, ზუსტად ისევე, როგორც ვნანობთ, რომ არაფერი გავაკეთეთ 1938 წლის მიუნხენის შემდეგ და ვიცით თუ რა მოხდა მერე", _ განაცხადა მან.
ზბიგნევ ბზეჟინსკი ასევე აღნიშნავს, რომ დასავლური ქვეყნები უკრაინის უსაფრთხოებაზე პასუხისმგებელნი არიან.
