დავით უსუფაშვილმა სხდომაზე საუბრა კომისიის მიზნებსა და ამოცანებზე.
,, ქართულ ოცნებას" გაცხადებული აქვს, რომ მისი პოლიტიკური ერთობა, ჰორიზონტი ეს არის მომავალი საპარლამენტო არჩევნები და მასში შემავალი ყველა პოლიტიკური პარტია თავს აღიქვამს დამოუკიდებელ პოლიტიკურ მოთამაშედ ქართულ პოლიტიკურ სცენაზე. ჩვენი სამუშაო უკეთეს შემთხვევაში ძალაში შევა ორი წლის შემდეგ. დაახლოებით, იმ პერიოდში, როდესაც კოალიციაში შემავალ პარტიებს შესაძლებლობა ექნებათ, რომ უკვე სხვა პრიორიტეტებისკენ იყვნენ მიმართულები. ამაზე მხოლოდ იმიტომ ვსაუბრობ, რომ არათუ 3/4 რომელიც კონსტიტუციას სჭირდება ბოლო ცვლილებების შედეგად, არამედ საპარლამენტო უმრავლესობის შიგნით ძალიან სერიოზული მუშაობა იქნება საჭირო, რომ კონსესუსამდე მივიდეთ. ეს არის ძალიან რთული პროცესი, მაგრამ შესაძლებლობა მოგვეცა ბოლო წლების განმავლობაში და უნიკალური შანსი, რომ მართლაც შევქმნათ ისეთი კონსტიტუცია, რომელიც პოლიტიკურ კონსესუსზე იქნება დამყარებული და ერთხელ და სამუდამოდ შევძლებთ ისეთი კონსტიტუციის შექმნას, რომელსაც ექნება პოლიტიკური მხარდაჭერა, რომელიც ასევე იქნება ხალხის კონსტიტუცია", - განაცხადა უსუფაშვილმა.