უკრაინაში განვითარებული მოვლენების ფონზე რუსული კომპანიების აქციები ეცემა. მოსკოვის ბანკთაშორისო სავალუტო ბირჟის (ММВБ) მონაცემებით აქციების ვარდნამ 5,8%, ხოლო რუსეთის საფონდო ინდექსის (РТС) მიხედვით 7,5% შეადგინა.
დაეცა ისეთი გიგანტი კომპანიების აქციები, როგორიცაა "ვითიბი ბანკი" (9,5%-ით), "გაზპრომი" (13%-ით), "გაზპრომ ნეფტი" (5,3%-ით), "ლუკოილი" (7,6%-ით), "ნოვატეკი" (2,7%-ით), "ნორნიკელი" (3,5% -ით), "პოლუს ზოლოტო" (3,5%-ით), როსნეფტი" (4,1%-ით), "როსტელეკომი" (9%-ით), "სბერბანკი" (15%-ით), "სურგუტნეფტეგაზი" (3,8%-ით), "ტატნეფტი" (2,7%-ით).
ანალიტიკოსების შეფასებით, ინდექსების დაცემის გამო რუსულმა კომპანიებმა, საერთო ჯამში, 2 ტრილიონი რუბლს ზარალი განიცადეს.
სავალუტო ბირჟაზე კი რუბლის დასუსტება თვალშისაცემია. ერთი ევრო 50 რუბლს, ხოლო ერთი დოლარი 36,5 რუბლს შეადგენს.

რუსეთის ცენტრალურმა ბანკმა რეფინანსირების წლიური განაკვეთი 5,5%-დან 7%-მდე გაზარდა.