„ვისოლ ჯგუფი", დღეს 3 მარტს, „დედის დღეს", ფონდ „იავნანასთან" ერთად, საქველმოქმედო აქციით აღნიშნავს და შვილობილი კომპანიების - „ვისოლის", სუპერმარკეტების ქსელის „სმარტის" და ამერიკული რესტორნების ქსელის „ვენდის" მთელი დღის შემოსავალს მრავალშვილიანი დედების დასახმარებლად გაიღებს. დღესასწაული ფილარმონიის დიდ საკონცერტო დარბაზში „ფონდი იავნანას" საიუბილეო საქველმოქმედო კონცერტით დასრულდება, სადაც „ვისილ ჯგუფი" ერთ-ერთ მრავალშვილიან ოჯახს საცხოვრებელი სახლის გასაღებს გადასცემს.
„ვისოლ ჯგუფის" სახელით გვინდა ყველა დედას მივულოცოთ „დედის დღე" და დღესასწაულად ვუქციოთ 3 მარტი მათ, ვინაც ჩვენს ქვეყანას მრავალი შვილი აჩუქა და წვლილი შეაქვს ქვეყნის დემოგრაფიული განვითარების საქმეში. ჩვენ ერთად ვქმნით უკეთეს მომავალს და მინდა წინასწარ დიდი მადლობა გადავუხადო „ვისოლის", „სმარტის" და „ვენდის" ერთგულ მომხმარებელს, ვისთან ერთადაც ჩვენ მნიშვნელოვნად დავეხმარებით მრავალშვილიან დედებს „ფონდ იავნანასთან" ერთად"- აცხადებს „ვისოლ ჯგუფის" ვიცე-პრეზიდენტი ლევან ფხაკაძე, რომელიც „ვისოლ ჯგუფის" აქციაში აქტიურადაა ჩართული. როგორც ფხაკაძემ განმარტა, დღეს იმყოფებოდა „ვისოლის" ავტოგასამართ სადგურზე და ოჯახთან ერთად ეწვია ასევე „სმარტსა" და „ვენდის" და რომ მის მიერ გაწეული ხარჯით საბოლოო ჯამში „ვისოლ ჯგუფი" „იავნანას" ბენეფიციარებს დაეხმარება.
აღსანიშნავია, რომ დღეს რუსთაველზე მდებარე სუპერმარკეტ „სმარტში" "დედის დღის" აღსანიშნავ საქველმოქმედო აქციას ცნობილი სახეებიც შეუერთდნენ. უფრო კონკრეტულად კი „სმარტში" და ამერიკული რესტორნების ქსელ „ვენდისში" მრავალშვილიანი დედების დასახმარებლად გაყიდვების წახალისებაზე საზოგადოებისთვის ცნობილი მამაკაცები ზრუნავენ და „სმარტში" ყველა ქალბატონს სიურპრიზი და „დედის დღესთან" დაკავშირებული განსაკუთრებული შეთავაზებები დახვდება.
„მე სიამოვნებით შევუერთდი „ვისოლ ჯგუფის" აქციას და „ვენდისში მოსულ მომხმარებელს ვემსახურები. სასუხარულია, რომ „ვენდისში", სმარტსა" და „ვისოლში" შემოსული თანხა მთლიანად „ფონდ იავნანაში" გადაირიცხება. ყველას გილოცავთ „დედის დღეს" და ყველას ვეპატიჟები ჩემი ხელით დამზადებულ ოთხკუთხედ ბურგერზე"- განმარტა ჯგუფ „მგზავრების" სოლისტმა გიგი დედალამაზიშვილმა, რომელიც დღეს „ვენდის" კლიენტურას ემსახურება.
„ვისოლ ჯგუფმა" აქცია წამოიწყო, რომლის მიხედვითაც დღეს შემოსული თანხა მთლიანად „იავნანაში" გადაირიცხება. დღეს მე მხვდა წილად ამ აქციაში მონაწილეობის მიღება. დღეს გამყიდველის როლში ვარ და მომხმარებელს უამრავი დასახელების გერმანულ პროდუქციას ვთავაზობ"- აცხადებს „ვისოლ ჯგუფის" აქციაში მონაწილე, მსახიობი ირაკლი ჩოლოყაშვილი.
როდესაც ფონდი იავნანა შეიქმნა მაშინ პაატა ბურჭულაძემ გამომიყვანა სცენაზე და მითხრა, რომ შენ უნდა იყო ამ ფონდის ხელმძღვანელიო. მე ვუთხარი, რომ მე ვერ ვიქნებოდი დირექტორი. და ხელით ვანიშნე გურამ ახალაიაზე, რომ ეს იყოს დირექტორითქო და იმავე დღეს დაინიშნა ჩემი წარდგინებით ახალაია ფონდის დირექტორად. გურამმა გაამართა და ვხედავ, რომ ძალიან ბევრ სიკეთეს აკეთებენ. პაატა ჩემი მეგობარია და უბედნიერესი ადამიანი ვარ, რომ ამ აქციაში ვიღებ მონაწილეობას"- განაცხადა მსახიობმა გურამ სიხარილიძემ.
