საკრებულო ,,დედაქალაქის შესახებ" კანონში შესატან ცვლილებებს საკანონმდებლო ორგანოს აღარ წარუდგენს.
აღნიშნულის ცვლილებების შესახებ საკრებულოს დღევანდელ რიგგარეშე სხდომაზე უნდა ემსჯელა, თუმცა ინიციატივა დღის წესრიგიდან მოიხსნა.
სხდომას "ნაციონალური მოძრაობის" წევრებმა ბოიკოტი გამოუცხადეს, რაც ინიციატივის დღის წესრიგიდან მოხსნის გადაწყვეტილების საფუძველი გახდა.
ინიციატივის მიხედვით, საკრებულოს შესაძლებლობა ექნებოდა თბილისის მთავრობის ნებისმიერ წევრისთვის უნდობლობა გამოუცხადებინა მერისა და მერის მოვალეობის შემსრულებლის გარდა. უნდობლობა გამოცხადებული პირის თანამდებობაზე კი საკრებულო მისთვის სასურველ კანდიდატურას დაამტკიცებდა.
