„საქართველოს საგარეო საქმეთა სამინისტრო ყურადღებით აკვირდება უკრაინაში მიმდინარე პროცესებს", - ამის შესახებ „ჯი-ეიჩ-ენს" საგარეო უწების პრესსამსახურში განუცხადეს.
„ჯი-ეიჩ-ენის" კითხვაზე გაკეთდება თუ არა განცხადება განვითარებულ მოვლენებთან დაკავშირებით, საგარეო სამინისტროში განმარტეს, რომ საგარეო უწყებას არაერი განცხადება გაუკეთებია უკრაინისა და უკრაინელი ხალხის მხარდასაჭერად.
„სამინისტრიოს ხელმძღვანელობა სწავლობს საკითხს და აკვირდება მოვლენების განვითარებას, რის საფუძველზეც გახდება ცნობილი საგარეო უწყების პოზიცია", - განუცხადეს „ჯი-ეიჩ-ენს" საგარეო საქმეთა სამინისტროს პრესსამსახურში.
საგარეო საქმეთა სამინისტროს პოზიციას, სავარაუდოდ, უახლოეს საათებში მინისტრის პირველი მოადგილე დავით ზალკალიანი გაახმოვანებს.
შგახსენებთ, რომ რუსეთის ფედერაციის საბჭომ მხარი დაუჭირა უკრაინის ყირიმის ავტნომიური რესპუბლიკის ტერიტორიაზე რუსეთის სამხედრო ძალების შეყვანის შესახებ ვლადიმერ პუტინის მიერ წარდგენილ წინადადებას.
პუტინმა ყირიმში რუსეთის სამხედრო ძალების შეყვნა ოფიციალურად მოითხოვა.
„უკრაინაში შექმნილი ექსტრაორდინალური მდგომარეობიდან გამომდინარე, რუსეთის მოქალაქეების, ჩვენი თანამემამულეების, უკრაინაში (ყირიმის ავტონომიურ რესოპუბლიკაში) საერთაშორისო ხელშეკრულებების შესაბამისაც დისლოცირებული რუსეთის ფედერაციის შეიარაღებული ძალების სამხედრო კონტინგენტის პირადი შემადგენლობის საფრთხის გამო, რუსეთის ფედერაციის კონსტიტუციის 102 მუხლის პირველი ნაწილის „გ" ქვეპუნქტის საფუძველზე, შემომაქვს რუსეთის ფედერაციის ფედერალური სათათბიროს ფედერაციის საბჭოში მომართვა, უკრაინის ტერიტორიაზე რუსეთის ფედერაციის შეიარაღებული ძალების გამოყენების შესახებ, ამ ქვეყანაში საზოგადოებრივ-პოლიტიკური ვითარების ნორმალიზაციამდე", - ნათქვამია რუსეთის პრეზიდენტის მიმართვაში.
