"თიბისი ბანკი" ეროვნულ ბიბლიოთეკას ქართული ემიგრანტული ლიტერატურის მოძიებაში, ტრანსპორტირებასა და განთავსებაში დაეხმარება.
შესაბამის მემორანდუმს "თიბისი ბანკის" სამეთვალყურეო საბჭოს თავმჯდომარე მამუკა ხაზარაძე და ბიბლიოთეკის გენერალური დირექტორი გიორგი კეკელიძე დღეს, 1-ელ მარტს, გააფორმებენ.
დოკუმენტზე ხელმოწერის შემდეგ გიორგი კეკელიძე და მამუკა ხაზარაძე ქართული ემიგრაციის დარბაზში გამართულ გამოფენას გახსნიან. ექსპოზიციაზე ეროვნული ბიბლიოთეკის ფონდებში დაცული ემიგრანტული ლიტერატურა იქნება წარმოდგენილი.
