2013 წელს, ავიაკომპანიებმა დამატებითი მოსაკრებლებით 35,4 მლრდ დოლარი გამოიმუშავეს, რაც საერთო შემოსავლების 5 %-ია. Bloomberg.-ის ინფორმაციით, ამ კატეგორიაში შედის კვების, თვითმფრინავებში ადგილების შერჩევის, ტვირთის გადატანის, გასართობი სისტემებისა და სხვა სერვისების საფასური.
5 წლის უკან ეს მაჩვენებელი ფაქტობრივად 0-ის ტოლი იყო, ამის შესახებ სინგაპურში გამართულ კონფერენციაზე, საერთაშორისო საჰაერო ტრანსპორტის (IATA) ხელმძღვანელმა ტონი ტაილერმა განაცხადა. მისი თქმით, ავიაგადამზიდავები ეძებენ ახალ მეთოდებს მგზავრებისათვის სხვადასხვა ნოვაციური სერვისების შეთავაზებით. როგორც ირკვევა, 2013 წელს მგზავრებს მოუწიათ, 13 მლრდ დოლარამდე დამატებითი თანხების გადახდა, იმ მომსახურებაში, რომელიც ადრე ავიაბილეთის საბაზო ღირებულებაში შედიოდა. ევროპის უდიდესმა კომპანიამ Ryanair-მა განაცხადა, რომ აღნიშნული სახის მომსახურებით, 2013 წლის მესამე კვარტალში 13 %-ით გაზარდა შემოსავალი, ხოლო ამერიკულმა ჰიბრიდულმა კომპანიამ jetBlue -მ საკუთარი შემოსავლები 15 %-ით, ანუ 670 მლნ დოლარით გაზარდა.