თბილისის მერის მოვალეობის შემსრულებელი სევდია უგრეხელიძე ოფიციალური ვიზიტით საფრანგეთში გაემგზავრა, სადაც ის ევროპის საბჭოს ადგილობრივი და რეგიონალური ხელისუფლების ორგანოთა კონგრესის მიერ, დაგეგმილ შეხვედრაში მიიღებს მონაწილეობას.
შეხვედრაზე ადგილობრივ დემოკრატიასთან დაკავშირებული საკითხები, 2013 წელს ევროპის ქალაქებში კვირეულის ფარგლებში ჩატარებული ღონისძიებები და სამომავლო გეგმები განიხილება. შეხვედრას კონგრესის წევრები და ევროსაბჭოს წევრის ქვეყნების ქალაქების წარმომადგენლები დაესწრებიან.
თბილისი რამდენიმე წელია აქტიურად მონაწილეობს აღნიშნულ კამპანიაში. 2013 წელს ჩატარებული ღონისძიებებისთვის თბილისი 12 ვარსკვლავიან ქალაქად დასახელდა.
