,,საქართველომ ადამიანის უფლებათა სფეროში სწორება უნდა აიღოს ევროპული სახელმწიფოების საუკეთესო სტანდარტებზე", _ამის შესახებ პრემიერმაირაკლი ღარიბაშვილმა საქართველოს მთავრობის მიერ ადამიანის უფლებათა საკითხებში ეროვნულ სტრატეგიას და სამოქმედო გეგმას წარადგენის პრეზენტაციაზე განაცხადა.
,,ძალიან სასიხარულოა, რომ დღეს ჩვენ ერთმანეთს ვხვდებით ისეთ უმნიშვნელოვანეს საკითხზე სასაუბროდ, როგორიცაა ადამიანის უფლებები. ეს არის ის ფუნდამენტი, რომელზეც დგას ევროპული ტიპის სახელმწიფო და ჩვენთვის მეტად საამაყოა, რომ სწორედ ამით ვიწყებთ ჩვენს ქვეყანაში დემოკრატიის მშენებლობას.ჩვენი მთავრობისთვის ეს პრიორიტეტია, რადგან კარგად გვესმის, რომ საქართველომ ადამიანის უფლებათა სფეროში სწორება უნდა აიღოს ევროპული სახელმწიფოების საუკეთესო სტანდარტებზე. დღევანდელი დღე სწორედ იმის დასტურია, რომ ჩვენს გუნდს აქვს პოლიტიკური ნება საიმისოდ, რომ დასახულ მიზანს რეალურად მივაღწიოთ. პირველი და ამავე დროს ძალიან მნიშვნელოვანი ნაბიჯი უკვე გადადგმულია ამ მიმართულებით - დღეს წარმოგიდგენთ ადამიანის უფლებათა დაცვის ეროვნულ სტრატეგიასა და მთავრობის სამოქმედო გეგმას. უწყებათაშორისმა საბჭომ და სამდივნომ, რომლებიც ამ თემაზე მუშაობდნენ, შეიმუშავეს დოკუმენტების პროექტები და უახლოეს მომავალში მთავრობა და პარლამენტი დაამტკიცებს მათ", _განაცხადა ღარიბაშვილმა.
