დღეს, ორგანიზაცია „პირველი ნაბიჯი საქართველო" აჭარის სამთავრობო უწყებების სამედიცინო სფეროს წარმომადგენლებს შეხვდა. შეხვედრას, რომელიც პრეზენტაციის ფორმატში მიმდინარეობდა და დისკუსიის ნაწილსაც მოიცავდა, სპეციალური საჭიროების მქონე ბავშვების მშობლები და ბათუმში მოქმედი სამედიცინო დაწესებულებების წარმომადენლებიც ესწრებოდნენ.
შეხვედრის მიზანი ,,ადრეული ჩარევის" პროგრამის შედეგების შეფასება და სამომავლო თანამშრომლობის გეგმის შემუშავება იყო.
ორგანიზაცია „პირველი ნაბიჯი საქართველო" ,,ადრეული ჩარევის" პროგრამას, რომელიც სახელმწიფოს მიერ ფინანსდება და 7 წლამდე ასაკის სპეციალური საჭიროების მქონე ბავშვების განვითარებასა და მათ სოციალურ ინტეგრაციაზე ზრუნვას ითვალისწინებს, 2012 წლიდან ახორციელებს.
ბათუმში ადრეული ჩარევისა და განვითრების პროგრამა 2012 წელს ამოქმედდა და ამ ეტაპზე, 7 წლამდე ასაკის სპეციალური საჭიროების მქონე 40 ბავშვს აერთიანებს, რომლებიც თავიანთ ოჯახებში სამედიცინო, ფსიქო-სოციალურ და საგანმანათლებლო კურსს გადიან.