საგარეო საქმეთა მინისტრმა მაია ფანჯიკიძემ უწყების 2013 წლის ანგარიში წარადგინა, რომელიც ჟურნალის სახით გამოიცა. როგორც ფანჯიკიძემ ჟურნალისტებთან განაცხადა 2013 წელი ძალიან მნიშვნელოვანი და წარმატებული იყო.
,,2013 წელი საგარეო პოლიტიკის კუთხით, ძალიან მნიშვნელოვანი და წარმატებული იყო, კერძოდ მოხდა ასოცირების შესახებ შეთანხმების პარაფირება, ნატო-სთან კიდევ უფრო დაახლოება, ორმხრივ და მრავალმხრივ ფორმატებში ურთიერთობების გამტკიცება, აღიარების რიცხვის შემცირება, რეზოლუციის მხარდამჭერთა რაოდენობის გაზრდა, ახალი წარმომადგენლობების გახსნა და ა.შ. ყოველივე ეს მიმართულება იმსახურებდა იმას, რომ სათანადოდ ყოფილიყო წარმოჩენილი. ამიტომაც გადავწყვიტეთ, რომ არ გამოგვეგონებინა არაფერი ახალი, რადგან დასავლეთის საგარეო საქმეთა სამინისტროების მიღებული პრაქტიკაა ნაბეჭდი წლიური ანგარიშის წარდგენა და ავირჩიეთ ეს ფორმა", _განაცხადა ფანჯიკიძემ.
წლიური გამოცემის პრეზენტაციას საქართველოს აღმასრულებელი და საკანონმდებლო ხელისუფლების წარმომადგენლები, საქართველოში აკრედიტებული დიპლომატიური კორპუსის, სამოქალაქო სექტორისა და მედიის წარმომადგენლები დაესწრნენ.
ქართული დიპლომატიის ისტორიაში საგარეო საქმეთა სამინისტროში მსგავსი ფორმით წლიური ანგარიში პირველად გამოიცა და იგი ტრადიციულ სახეს მიიღებს.
