IP-ტელეფონის დეველოპერი კომპანია Viber-ი საკუთარი ბინზესის გაყიდვას გეგმავს. გავრცელებული ინფორმაციით, Viber-ი მოლაპარაკებებს თავის აზიელ კონკურენტთან აწარმოებს და ბიზნესის დათმობისთვის 300-400 მლნ დოლარის ითხოვს. Viber-ის აბონენტთა ბაზა ამ დროისათვის 193 ქვეყანაში 200 მლნ აბონენტს ფარავს. აღსანიშნავია, რომ 2013 წლის ბოლოს Viber-მა PC ვერსიაც გამოუშვა.
Viber-ის მფლობელი ებრაელი ბიზნესმენი თალმონ მარკოა, რომელმაც პროექტის შემუშავებისთვის მიიზიდა ადგილობრივი და ბელორუსი დეველოპერები. თავად კომპანია კი კვიპროსში და ლას-ვეგასშია დარეგისტრირებული.
გაზეთ Calcast-ის ინფორმაციით, Viber-ის შეძენა ჩინურ WeChat-ს, იაპონურ Line-სა და სამხრეთ კორეულ KakaoTalk-ს სურს.
გასული წლის ნოემბერში კი Viber-მა საკუთარი ბიზნესის სარფიანად გასხვისებისთვის Goldman Sachs-ი დაიქირავა.
თავად Viber-ის მფლობელი ბიზნესის შესაძლო გასხვისების შესახებ გავრცელებულ ინფორმაციას უარყოს.
