,,ჩვენთვის საქართველო ძალიან მნიშვნელოვანი პარტნიორია", _ამის შესახებ, ნატო-ს სამხედრო კომიტეტის თავმჯდომარემ, კნუდ ბარტელსმა თავდაცვის მინისტრ ირაკლი ალასანიას შეხვედრის შემდეგ განაცხადა.
მისივე თქმით, ალიანსი საქართველოს ნატოში ინტეგრაციის პროცესში მხარდაჭერას უცხადებს.
,,დღეს აქ ვართ იმისთვის, რომ განვიხილოთ საქართველოსა და ნატოს მომავალი თანამშრომლობა. მინდა აღვნიშნო საქართველოს წვლილი ISAF-ის ოპერაციებში და 2014 წლის შემდგომი ნატოს სწრაფი რეაგირების მისიაში. ასევე მინდა მწუხარება გამოვთქვა იმ სამხედროების ოჯახების მიმართ, რომლებიც ავღანეთში მისიის შესრულებისას დაიღუპნენ. ეს სამხედრო მონაწილეობა არის დადასტურება საქართველოს მზადყოფნისა, ევროატლანტიკურ ინტეგრაციის გზაზე. მინისტრთან საუბრისას გამოვიტანე დასკვნა, რომ საქართველო აგრძელებს ნატო-ში ინტეგრაციის გზას, შეიარაღებული ძალების რეფორმირებას. ნატო მხარდაჭერას უცხადებს საქართველოს ნატო-ში ინტეგრაციის გზაზე, ასევე თავდაცვის რეფორმის კურსს რათა შეიქმნას თანამედროვე სამხედრო ძალა. ჩვენთვის საქართველოს ძალიან მნიშვნელოვანი პარტნიორია", _ განაცხადა კნუდ ბარტელსმა.