აჭარაში გრძელდება ფინანსთა სამინისტროს საფინანსო-ანალიტიკური სამსახურის ელექტრონული სისტემების დანერგვა. აჭარის ა/რ ფინანსთა და ეკონომიკის სამინისტროში ბიუჯეტისა და ხაზინის სისტემების გაშვების შემდეგ, საფინანსო-ანალიტიკური სამსახურის „საქმისწარმოების ავტომატიზებული სისტემა" ბათუმის მერიაში, საკრებულოსა და აჭარის ა/რ უმაღლეს საარჩევნო კომისიაში დაინერგა.
ელექტრონული სისტემის დანერგავას წინ უძღოდა პრეზენტაციები და აღნიშნული ორგანიზაციების საჯარო მოხელეთა ტრეინინგები.
საფინანსო-ანალიტიკურ სამსახურში მოქმედებს ცხელი ხაზი 1551, რომლის თანამშრომლები საჭიროების შემთხვევაში გაუწევენ კონსულტაციებს სისტემების მომხმარებელ საჯარო მოხელეებს.
უახლოეს მომავალში, დაგეგმილია საფინანსო-ანალიტიკური სამსახურის კიდევ ერთი ელექტრონული სისტემის - „ადამიანური რესურსების მართვის ავტომატიზებული სისტემის" დანერგვა აჭარის ა/რ-ის სხვადასხვა უწყებაში.
საქმისწარმოების ავტომატიზებული სისტემა საჯარო დაწესებულებებში საქმისწარმოებისა და დოკუმენტბრუნვის ერთი-ერთი ყველაზე ინოვაციური და სრულყოფილი პროდუქტია. მისი მიზანია, საქმისწარმოების პროცესების მაქსიმალური გამარტივება, ხელმისაწვდომობა და კომპიუტერიზაცია. სისტემა უზრუნველყოფს საოფისე დოკუმენტაციის ეფექტურ ელექტრონულ მართვას და საჭირო დოკუმენტებსა და დავალებებზე სწრაფ წვდომას. სისტემის საშუალებით, მარტივად ხორციელდება დავალებების, მათზე რეაგირებისა და სხვა ორგანიზაციული საკითხების მუდმივი მონიტორინგის პროცესი.