12-13 თებერვალს აზერბაიჯანში საქართველოს პრეზიდენტის გიორგი მარგველაშვილის პირველი ოფიციალური ვიზიტი შედგება. როგორც პრეზიდენტის ადმინისტრაციაში განმარტავენ, გიორგი მარგველაშვილი ოფიციალური ვიზიტით აზერბაიჯანის რესპუბლიკას ეწვევა. 12 თებერვალს, ქალაქ ბაქოში საქართველოს პრეზიდენტი აზერბაიჯანის რესპუბლიკის პრეზიდენტს ილჰამ ალიევს შეხვდება, რის შემდეგაც ორივე ქვეყნის ლიდერები მედიისთვის ერთობლივ განცხადებას გააკეთებენ.
საქართველოს პრეზიდენტი ასევე შეხვდრებს გამართავს აზერბაიჯანის რესპუბლიკის პრემიერ-მინისტრთან, არტურ რასი-ზადესთან, და პარლამენტის თავმჯდომარე ოქტაი ასადოვთან.
13 თებერვალს, ქვეყნის პირველი პირი ქალაქ კახს ეწვევა და ადგილობრივ, ეთნიკურად ქართველ მოსახლეობას შეხვდება, ასევე ქალაქ გაბალას ესტუმრება.
დელეგაციის შემადგენლობაში არიან საპარლამენტო უმრავლესობის წევრები, ეროვნული უშიშროების საბჭოს მდივანი, პრეზიდენტის ადმინისტრაციის უფროსი და პრეზიდენტის საგარეო ურთიერთობათა მდივანი.
დელეგაცია საქართველოში 13 თებერვალს დაბრუნდება.
