დღეს თბილისის საკრებულოში საფინანსო-საბიუჯეტო კომისიის სხდომაზე მერიის წარმომადგენლებს ელოდებიან.
დედაქალაქის საკრებულომ, ბიუჯეტის პროექტთან დაკავშირებით, შენიშვნების და მოთხოვნების პაკეტი უკვე გადაუგზავნა მერიას.
საბოლოო პოზიციებს მხარეები დღეს დაგეგმილ სხდომაზე შეაჯერებენ.
თბილისის ბიუჯეტის დამტკიცება კი იმის მიხედვით მოხდება, გაითვალისწინებს თუ არა მერია აღნიშნულ მითითებებს.
დედაქალაქის მერიაში საკრებულოს მიერ ბიუჯეტის პროექტთან დაკავშირებულ შენიშვნებს გაუგებარს უწოდებენ და აცხადებენ, რომ საკრებულოს უმრავლესობას ერთიანი პოზიცია არ გააჩნია.
