10 თებერვალს, თურქეთის რესპუბლიკის ახლადდანიშნულმა ელჩმა, ზექი ლევენთ გუმრუქჩუმ რწმუნებათა სიგელების ასლი გადასცა საქართველოს საგარეო საქმეთა მინისტრს მაია ფანჯიკიძეს.
რწმუნებათა სიგელების ასლის გადაცემის შემდეგ, გაიმართა შეხვედრა, რომლის დროსაც განხილული იქნა საქართველო-თურქეთის ორმხრივი და მრავალმხრივი თანამშრომლობის საკითხები.
თურქეთის ელჩმა გამოხატა მზადყოფნა ხელი შეუწყოს საქართველოსა და თურქეთის რესპუბლიკას შორის არსებული მჭიდრო თანამშრომლობის შემდგომ გაღრმავებას და კიდევ ერთხელ დააფიქსირა თურქეთის პოზიცია საქართველოს სუვერენიტეტის, ტერიტორიული მთლიანობისა და ევრო-ატლანტიკური ინტეგრაციის მხარდაჭერის შესახებ.
შეხვედრის დასასრულს, საგარეო საქმეთა მინისტრმა თურქეთის რესპუბლიკის ელჩს წარმატებები უსურვა მომავალ საქმიანობაში.
