საქართველოს პარლამენტის მუდმივმოქმედი დელეგაცია ევროპასთან ინტეგრაციის კომიტეტის თავმჯდომარის, ვიქტორ დოლიძის ხელმძღვანელობით, 12-15 თებერვალს ავსტრიის დედაქალაქ ვენაში ეუთოს საპარლამენტო ასამბლეის ზამთრის მე-13 სხდომაში მიიღებს მონაწილეობას.
ასამბლეაზე მიწვეული დელეგაციები დემოკრატიის, ადამიანის უფლებათა დაცვის, უსაფრთხოების, ეკონომიკის, მეცნიერებისა და თანამედროვე ტექნოლოგიების საკითხების შესახებ გამართულ სხდომებს დაესწრებიან. ამას გარდა, დაგეგმილია ორმხრივი შეხვედრები ეუთოს გენერალურ მდივანთან, ლამბერტო ზანიესთან, კონფლიქტების პრევენციის ცენტრის ხელმძღვანელთან, ადამ კობიერაცკისთან და ეუთოს წევრი სხვა ქვეყნების დელეგაციებთან.
საქართველოს პარლამენტის მუდმივმოქმედი დელეგაციის შემადგენლობაში პარლამენტის თავმჯდომარის მოადგილე ზურაბ აბაშიძე, პარლამენტის წევრი, ეუთოს საპარლამენტო ასამბლეის ვიცე-პრეზიდენტი გიორგი წერეთელი და პარლამენტის წევრი ლევან ბეჟაშვილი შედიან.
მასალის გამოყენების პირობები
