ქართული დიალექტური კორპუსის წარდგენა საქართველოს პრეზიდენტი დღეს 18:00 საათზე, საქართველოს პარლამენტის ეროვნულ ბიბლიოთეკას ეწვევა, სადაც თსუ-ის არნოლდ ჩიქობავას სახელობის ენათმეცნიერების ინსტიტუტის პროექტის „საქართველოს ლინგვისტური პორტრეტის" ფარგლებში მომზადებული ქართული დიალექტური კორპუსის პრეზენტაციას დაესწრება. შეხვედრისას, ნაჩვენები იქნება ექსპედიციების დროს ჩაწერილი უნიკალური ტექსტები, აუდიო და ვიდეო მასალა. პროექტი ეროვნული ბიბლიოთეკის მხარდაჭერით ხორციელდება და მისი მიზანია, საზოგადოების სხვადასხვა ჯგუფისათვის კორპუსის, როგორც ქართული ენობრივი მასალის მომცველი მასშტაბური ენათმეცნიერული და კულტურული პროდუქტის პოპულარიზაცია.
მასალის გამოყენების პირობები
