წინამძღვრიშვილის ქუჩის #17-ში მცხოვრები 7 ოჯახი უსახლკაროდ დარჩა. მიზეზი ე.წ. იტალიურ ეზოში მდებარე საცხოვრებელ სახლში გამთენიისას გაჩენილი ხანძარია.
შემთხვევას მსხვერპლი არ მოჰყოლია. ცეცხლის ლოკალიზება მეხანძრეებმა უკვე მოახერხეს.
ხანძრის შედეგად, საცხოვრებელი სახლის მეორე და მესამე სართულები დაიწვა, სულ 500 კვადრატული მეტრის ფართობი. მთლიანადაა დაზიანებული სახლის სახურავი.
ხანძრის გამომწვევ მიზეზს გამოძიება დაადგენს. დაზარალებულებს დახმარებას გამგეობა გაუწევს.
