პარლამენტის თავმჯდომარე დავით უსუფაშვილი საპარლამენტო დელეგაციასთან ერთად 10 თებერვალს ოფიციალური ვიზიტით რუმინეთს, ხოლო 12 თებერვალს უნგრეთს ეწვევა.
რუმინეთში ვიზიტის ფარგლებში დავით უსუფაშვილი შეხვდებს გამართავს რუმინეთის სენატის სპიკერ, კრინ ანტონესკუსთან; დეპუტატთა პალატის სპიკერ, ვალერიუ ზგონეასთან; ვიცე- პრემიერ, გაბრიელ ოპრეასთან და საგარეო საქმეთა მინისტრ, ტიტუს კორლეცანისთან. დაგეგმილია შეხვედრები სენატის კომიტეტების თავმჯდომარეებთან და საქართველო - რუმინეთის საპარლამენტთაშორისო მეგობრობის ჯგუფის წევრებთან. დავით უსუფაშვილი მონაწილეობას მიიღებს საჯარო დისკუსიაში ,,ვილნიუსიდან-რიგამდე". საქართველოს პარლამენტის თავმჯდომარე დეპუტატთა პალატის სპიკერთან ერთად ინტერვიუს მისცემს რუმინეთის ტელევიზიას. საქართველოს საპარლამენტო დელეგაციას რუმინეთში წარმოადგენენ დეპუტატები; ირაკლი ჩიქოვანი, პაატა ბარათაშვილი და გიორგი წერეთელი.
12 თებერვალს, რუმინეთიდან დავით უსუფაშვილი, საპარლამენტო დელეგაციასთან ერთად, უნგრეთში გაემგზავრება. ოფიციალური ვიზიტის ფარგლებში დაგეგმილია შეხვედრები უნგრეთის პრეზიდენტ, იანოშ ადერსთან; საგარეო ურთიერთობათა საკითხებში სახელმწიფო მინისტრ, ჟოლტ ნემეტსთან; თავდაცვის მინისტრ, ჩაბა ჰენდესთან; უნგრეთის ეროვნული ასამბლეის სპიკერ, ლასლო კოვერსთან და ეროვნული ასამბლეის საგარეო საქმეთა კომიტეტის თავმჯდომარე, მიჰაი ბალასთან. ვიზიტის ფარგლებში დავით უსუფაშვილი ცენტრალური ევროპის უნივერსიტეტსაც ეწვევა, სადაც ქართველ სტუდენტებს შეხვდება და საჯარო ლექციას წაიკითხავს. დაგეგმილია პარლამენტის თავმჯდომარის შეხვედრა ადგილობრივი მედიის წარმომადგენლებთან. დავით უსუფაშვილვილთან ერთად უნგრეთს საქართველოს პარლამენტის წევრები: თედო ჯაფარიძე, ივანე კიღურაძე, დავით ონოფრიშვილი, ირაკლი ჩიქოვანი და გიორგი კანდელაკი ეწვევიან.
რუმინეთსა და უნგრეთში ოფიციალური ვიზიტით გათვალისწინებულ შეხვედრებზე საუბარი იქნება ქვეყნებს შორის ურთიერთობებზე და მისი გაღრმავების პესპექტივებზე როგორც საპარლამენტაშორისო დონეზე, ასევე პოლიტიკურ და ეკონომიკურ სფეროებში. განხილული იქნება, ასევე საქართველოს ევროპულ და ევროატლანტიკურ სტრუქტურებში ინტეგრაციის საკითხები. საქართველოს პარლამენტის თავმჯდომარე დავით უსუფაშვილი ოფიციალურ ვიზიტს უნგრეთში 14 თებერვალს დაასრულებს.
