ყოფილი პრემიერ-მინისტრი ბიძინა ივანიშვილი მისი შემცვლელის მუშაობით კმაყოფილია. როგორც ივანიშვილმა საზოგადოებრივი მაუწყებლის ეთერში, გადაცემა "შეხვედრები მწერალთა სახლში" სტუმრობისას განაცხადა ღარიბაშვილმა მისი გაოცებაც მოახერხა.
,,ირაკლიმ მეც კი გამაოცა თავისი ნიჭიერებით. სიღრმეებში ჩადის უკვე, არ დამკითხვია მე, თავისით მიადგა ამ პროცესებს და თავისით დაიწყო ჩაღრმავება. მე როგორც ვიცი ბევრ მინისტრს ეს არ მოეწონა. ჭორები მომდის კანცელარიიდან, რომ ზოგს არასწორი რეაქცია ჰქონდა. ირაკლი სწორი გზით მიდის, დროც აქვს, ჩემზე მეტი ენერგიაც აქვს, დღე და ღამე მუშაობს, დეპარტამენტების დონეზე უნდა კონტროლი და ეს სწორია. თუ კარგად ასრულებს ფუნქციას მაინც უნდა ვაგინო?" - განაცხადა ივანიშვილმა.
